قال الإعلامي عمرو أديب إن شراء حلاوة المولد ليس فرضًا، طالما أسعارها غالية، مشيرا إلى أنه لا يوجه حديثه للأشخاص القادرين.

وتابع أديب حديثه خلال برنامجه “الحكاية”: “نحن نتحدث عن مجتمع يكافح من أجل النمو، بيحاول يقف على رجله، لسه خارج من التعويم وإصلاحات اقتصادية، لسه خارجين من دخلة المدارس وبعدين داخلين على الهدوم الشتوي والدروس الخصوصية مليون حاجة، ولسه عندك مصاريف”.

واستطرد: “تيجي تقعد مع مواطنين يقلك أنت عارف حلاوة المولد بكام، ما تطلع زي ما تطلع أنت لازم تعرف أولوياتك، حد كان بيكلمني بيقولي بدي الناس اللي حوليا العلبة العادية بقت من 100 إلى 200”.

وأضاف أديب أنه يمكنه إعطاؤه المبلغ كاملا في يده بدلا من هذه العلبة، حتى يستطيع صرفها في احتياجاته سواء دواء أو لحمة أو تسديد مبلغ ما بدلا من توزيع العلب، أو من الممكن إعطاء فلوس العلب لغارمة من الغارمات.

وواصل: “ربنا مجبش سيرة حلاوة المولد يعني مش فرض، والقادر عايز يجيب علبة بـ100 جنيه هو حر، لكن لما يكون الظرف مش قد كده ليه؟، بلد كلها عندها سكر نوعين، والعيال كلها دلوقتي طخينة وحالتها صعبة، إيه الفكرة؟ اللي معوش ميلزمهوش، بلاش دي شيء ميحسسكش بالعوز أو القهر”.