وصف المذيع أحمد موسى الرئيس التركي رجب طيب أردوغان بالديكتاتور، وذلك بعد اعتقال طفل رضيع وأمه بتهمة الانضمام لجماعة “عبدالله كولن”، معلقا: “حتى الطفل في بطن أمه إرهابي، محصلتش في العالم بس حصلت في تركيا”.

وتابع موسى حديثه في برنامجه “على مسؤوليتي” المذاع على فضائية “صدى البلد”، “صنف براحتك بقى ما أنت القضاء بتاعك، والإعلام بتاعك والإخوان بتوعك، كلهم شغالين تطبيل وصاجات لأردوغان”.

وتسائل موسى: “أين إعلام تركيا، وأين هيومن رايتس ووتش، مفيش حد موجود، دور على حق الطفل ده اللي بيحتاج للرضاعة”.

واستطرد: “سابوا الطفل وبيدوروا على خيرت الشاطر وأولاده، يولع خيرت واللي يدافع عنه ويتشدد له، ومن يسانده إحنا هندافع عن حقوق إرهابي شوفوا الأتراك عاملين إيه وبيشتغلوا إزاي”.